Sheeko Qosol Badan: Juxa Iyo Deriskiisa Maxaa Kala Qabsaday?!!

Sheekadii Juxa

Maalin maalmaha ka mid ah, Juha waxa uu ka amaahday deriskiisa waal/weel, Maalintii xigtay ayuu weelkii oo uu ku dhex jiro mid kale oo ka yar dib ugu soo celiyey deriskii, Deriskiisii ayaa weydiiyey sababta uu u soo raaciyey weelkan yar, Juxa ayaa yiri: “Weelkiina ayaa shalay dhalay weelkan yar, adinkaana iska leh”, dariskii waxa uu garan waayay jawaabtii uu u celin lahaa Juxa waana uu iska aamusay, waxa uuna qaatay labadii waal/weel.

Dhawr maalmood ka dib, Juha waxa uu aaday deriskiisii wuxuuna mar labaad ka codsaday in la amaahiyo weelkii waana la amaahiyey mar labaad.

Juxa markii uu qaatay weelkii waa uu la soo daahay, dariskii ayaa go’aansaday in uu aado gurigii Juxa si uu u weydiiyo sababta uu dib ugu soo celin waayay weelkii, Juxa oo oynaya ayaa ku jawaabay: “Weelkii shalay ayuu ku geeriyooday agtayda, aad ayaana uga murugooday”, dariskii oo la yaaban hadalkiisa ayaa ku yiri: “Sidee ayay suurtagal ku tahay in uu geeriyoodo weelkeyga”, Waxaa Qoslay Juxa waxa uuna ku yiri deriskiisii: “Maxaad u rumaysatay in weelkaaga uu dhalay weel kale oo aadan u rumaysanaynin inuu dhintay?”.

Fadlan la soco qaybaha kale ee Sheekooyinka juxa.