Shaqo Ma Raadineysaa? Halkan Ka Baro Sida Loo Akhriyo Shaqooyinka Lagu Xayeysiiyo Qaranjobs.com – Tallaabooyin Kugu Hagaya Codsigaaga Shaqo

Hordhac

Qaranjobs.com waa mid ka mid ah mareegaha ugu caansan ee lagu daabaco shaqooyin rasmi ah oo ay bixiyaan hay’adaha dowliga ah iyo kuwa caalamiga ah ee ka shaqeeya Soomaaliya. Si kastaba, dad badan ayaa la kulma caqabado marka ay akhrinayaan ama fahmayaan xayeysiisyada shaqo, taasoo ka hor istaagta inay si hufan u dalbadaan shaqooyin ay u qalmaan.

Maqaalkan wuxuu sharaxayaa sida loo akhriyo xayeysiisyada shaqooyinka, loo fahmo waxa laga rabo, iyo sida loo go’aansado in shaqadaasi kugu habboon tahay. Waxa kale oo aanu ku siinaynaa tusaale email ah oo aad ugu isticmaali karto codsigaaga.

---

Qaybaha Ugu Muhiimsan ee Shaqooyinka Qaranjobs.com iyo Sida Loo Akhriyo

1. Cinwaanka Shaqada (Job Title):

Tani waa magaca shaqada la xayeysiinayo, tusaale ahaan:

“GM M&E Specialist”
Waxaad is weydiin kartaa:

• Ma fahamsanahay shaqadan?

• Ma khibrad baan u leeyahay?

• Ma la xiriirtaa waxa aan bartay?

2. Qeexida Mashruuca iyo Asalka (Background):

Qeybtan waxaa lagu sharaxaa:

• Mashruuca ay shaqadu la xiriirto

• Ujeedada guud

• Cidda maamuleysa (tusaale: Wasaaradda, hay’ad, ama mashruuc gaar ah)

Waxay kaa caawisaa inaad fahamto meesha aad ka shaqaynayso iyo ujeedada shaqada.

3. Mas’uuliyadaha Shaqada (Scope of Work):

Waxaad ogaataa:

• Shaqada maalinlaha ah

• Warbixinaha aad diyaarinayso

• Cidda aad hoos tagayso

Haddii mas’uuliyadahan aad horey u soo qabatay ama aad awood u leedahay, waa fursad kugu habboon.

4. Shuruudaha (Qualifications):

Tusaale:

• Bachelor degree ama ka sareeya

• Khibrad 5 sano ah

• Luuqadaha aad ku hadasho (Soomaali iyo Ingiriis)

• Xirfadaha kombiyuutarka (Excel, MIS, PowerPoint iwm.)

Haddii aad buuxinayso inta badan shuruudaha, codso shaqadaas si kalsooni leh.

5. Goobta iyo Muddada Shaqada:

Tusaale: “Shaqadu waxay ka dhici doontaa Dhusamareb, muddo hal sano ah oo la kordhin karo.”

Waa inaad is weydiisaa:

• Ma diyaar baan u ahay inaan halkaas shaqo ka qabto?

• Muddo intee leeg ayaan diyaar u ahay inaan ku shaqeeyo?

6. Sida Loo Codsado (How to Apply):

Qeybtani waa tan ugu dambeysa ee go’aamisa haddii aad dalbanayso iyo sida aad u dalbanayso.

Waxaa lagu xusi karaa:

• Emailka codsiyada lagu diro

• Dokumentiyada la rabo (CV, shahaadooyin, warqad codsi)

• Deadline-ka kama dambaysta ah

---

Tusaale Email Codsi Shaqo (Formal Sample Email):

Email Title (Subject):
Application for M&E Specialist – Ref: SO-MOAI-GM-468529-CS-INDV

Email Body:

Ku: Wasaaradda Beeraha iyo Waraabka, Galmudug State,

Mudane/Marwo,

Waxaan halkan idiinku soo gudbinayaa codsigeyga ku aaddan booska shaqo ee “GM M&E Specialist” ee lagu xayeysiiyey mareegta Qaranjobs.com, Ref No: SO-MOAI-GM-468529-CS-INDV.

Waxaan hayaa Bachelor Degree ee Xirfadda Maamulka Mashaariicda, waxaana leeyahay khibrad ka badan 5 sano oo ku saabsan dabagalka, qiimeynta iyo maamulka xogta mashaariicda horumarineed ee Soomaaliya.

Waxaan sidoo kale leeyahay xirfado dhanka Management Information Systems (MIS), sameynta warbixino waqtiyaysan, iyo la shaqeynta hay’adaha caalamiga ah.

Fadlan hoos ka hel CV-gayga iyo koobiyada shahaadooyinka.

Waxaan jeclaan lahaa fursad aan ku bixiyo kartideyda una qeybqaato guusha Mashruuca S-FSRP.

Mahadsanidiin.

Magaca: Cabdi Xasan Maxamed
Tell: +2526XXXXXXX
Email: cabdixasan@gmail.com

---

Akhriyeyaasha iyo codsadayaasha shaqooyinka ku jira Qaranjobs.com waa in ay bartaan sida saxda ah ee ay u akhriyaan warbixinaha shaqo si aysan u lumin fursado shaqo oo muhiim ah. Marka aad si habboon u fahanto waxa laga rabo, waad sii diyaarin kartaa CV iyo warqad codsi oo ku habboon shaqadaas.

Waxaad hadda diyaar u tahay in aad si kalsooni leh ugu tartanto shaqo kasta oo kugu habboon!

 

………………………………………………………………………………………

QaranJobs.com

………………………………………………………………………………………

PLEASE JOIN US – QARAN JOBS

Follow us on our Social Media: