Bare Jaamacadeed (1 Qof) takhasuska Accounting – Badhan – Puntland

Bare Jaamacadeed (1 Qof) takhasuska Accounting – Badhan – Puntland

Horudhac:

Waxbarashada Sare ee wadanka waxay soo bilaabatay xilligii daakhilayadii Talyaaniga, iyadoo u qaabeysan hab Dugsi Sare, oo ay la socdeen tababaro xirfadeed.

1950kii ayaa maamulkii xil-gaarsiinta ahaa (Transition-Afis),wuxuu furay Machadkii Siyaasadda iyo maamulka.

Balse, waxbarasho sare oo tayo leh, waxay si rasmi ah uga bilaabatay wadanka sanadkii 1954-kii, ka dib markii maamulkii xil-gaarsiinta ahaa uu furay machadka Sharciga, Dhaqaalaha, iyo Cilmiga Bulshada, machadkana wuxuu toos u hoos tagayay Jaamacadaha ROMA iyo Padova, kuwaas oo u qaabilsanaa haqabtirka dhammaan agabka tacliimeed, Barayaasha iyo maamulkaba.

Sanadkii 1964-kii machadkani wuxuu bixinayay labo sano oo daraasad ah, oo lagu qaadanayay gudaha dalka, halka dhammeystirka labada sano ee kale lagu qaadanayay wadanka talyaaniga.

1-dii Diseembar 1969-kii, waxaa machadkii loo badalay labo kulliyadood oo kala ahaa: Kulliyadda Sharciga iyo Kulliyadda Dhaqaalaha ee JUS.

1971-kii waxaa iyagana la furay kulliyadihii Beeraha iyo Kiimikada, waxaana ku xigay furitaankii Kulliyadda waxbarashada oo la furay 1972-kii.

1973-kii waxaa la furay kulliyaddaha Caafimaadka, Jiyoolijadda, Xanaaanada & Daawada Xoolaha iyo Injineeriyadda.

Ugu dambeyn Jaamacadda Ummadda, waxaa saameeyey burburkii wadanka ka dhacay 1991.

waxaana Golaha Sare ee JUS ay go’aamiyeen in jaamacadda dib loo furo 16/8/2014.

Jaamacadda Ummadda , Waxay hadda bixisaa 12 kulliyadood, waxaana dhigata arday ka badan 4,500 arday. Waxayna ku shaqaysaa 5 xarumood oo ku kala yaal gobolada Benaadir, Galmudug iyo Puntland.

Booska : Bare

Nooca Shaqada: Shaqo Joogto ah (Full-Time lecturer)

Xarunta Shaqada: Badhan- Puntland

Tirada Barayaasha: 1 qof

Mushaarka: xuquuqda baraha waxaa lagu bixin doonaa nidaamka mushaar bixinta ee JUS.

Aqoonta, xirfadda Iyo Dukumintisyada looga baahan yahay codsadaha:

1. Waa inuu ka heystaa shahaadada heerka 1aad iyo 2aad, takhasuska Accounting
2. Waa in ugu yaraan celceliskiisu noqdaa darajada (B+)
3. Waa Inuu leeyahay ugu yaraan 3 Sano oo xirfad iyo khibrad wax dhigid ah, oo ku aadan maadooyinka kor ku xusan
4. Waa in uu sameeyey cilmi baarisyo la xiriirta takhasuskiisa.

Dhammaan Daneeyayaasha booskan waxay

1. Sooyaalkooda nololeed (Cv),
2. Codsi shaqo(Application letter)
3. Shahaadooyinka waxbarasho iyo
4. Transcripts

ku soo hagaajin karaan Emailka xafiiska shaqada iyo shaqaalaha Jaamacadda Ummadda Soomaaliyeed hr@snu.edu.so.

F.G :  Araaji qabashada waxay ku ektahay 1- Oct-2022.

………………………………………………………………………………………