Horudhac:

Waxbarashada Sare ee wadanka waxay soo bilaabatay xilligii daakhilayadii Talyaaniga, iyadoo u qaabeysan hab Dugsi Sare, oo ay la socdeen tababaro xirfadeed.

1950kii ayaa maamulkii xil-gaarsiinta ahaa (Transition-Afis), wuxuu furay Machadkii Siyaasadda iyo maamulka.

Balse, waxbarasho sare oo tayo leh, waxay si rasmi ah uga bilaabatay wadanka sanadkii 1954-kii, ka dib markii maamulkii xil-gaarsiinta ahaa uu furay machadka Sharciga, Dhaqaalaha, iyo Cilmiga Bulshada, machadkana wuxuu toos u hoos tagayay Jaamacadaha ROMA iyo Padova, kuwaas oo u qaabilsanaa haqabtirka dhammaan agabka tacliimeed, Barayaasha iyo maamulkaba.

Sanadkii 1964-kii machadkani wuxuu bixinayay labo sano oo daraasad ah, oo lagu qaadanayay gudaha dalka, halka dhammeystirka labada sano ee kale lagu qaadanayay wadanka talyaaniga.

1-dii Diseembar 1969-kii, waxaa machadkii loo badalay labo kulliyadood oo kala ahaa: Kulliyadda Sharciga iyo Kulliyadda Dhaqaalaha ee JUS.

1971-kii waxaa iyagana la furay kulliyadihii Beeraha iyo Kiimikada, waxaana ku xigay furitaankii Kulliyadda waxbarashada oo la furay 1972-kii.

1973-kii waxaa la furay kulliyaddaha Caafimaadka, Jiyoolijadda, Xanaaanada & Daawada Xoolaha iyo Injineeriyadda.

Ugu dambeyn Jaamacadda Ummadda, waxaa saameeyey burburkii wadanka ka dhacay 1991.

waxaana Golaha Sare ee JUS ay go’aamiyeen in jaamacadda dib loo furo 16/8/2014.

Jaamacadda Ummadda , Waxay hadda bixisaa 12 kulliyadood, waxaana dhigata arday ka badan 9,500 arday. Waxayna ku shaqaysaa 5 xarumood oo ku kala yaal gobolada Benaadir, Galmudug iyo Puntland.

—————————————

Booska: Bare

Tirada: 2 qof

Xarunta Shaqada: Muqdisho

Kulliyadda: Culuumta Bulshada

Nooca Shaqada: Shaqo Joogto ah (Full-Time)

Mushaarka: Xuquuqda baraha waxaa lagu bixin doonaa nidaamka mushaar bixinta ee JUS.

Aqoonta, Xirfadda Iyo Dukumintisyada looga baahan yahay Codsadaha:

1. Waa inuu ka heystaa Shahaadada heerka 1aad Takhasuska

Journalism &Communication

2. Waa inuu ka heystaa Shahaadada heerka 2aad Takhasuska Journalism & Communication

3. Waa in Celceliska dhibcihiisa noqdaa Darajada (B)

4. Waa Inuu leeyahay ugu yaraan 2 Sano oo xirfad iyo khibrad waxbarid heer Jaamacadeed.

Arji qabashadu waxey ku egtahay Oct 28, 2023.

Dhammaan daneeyayaasha jagadaan waxay soo buuxin karaan foomka hoose.

Qaabka Loo Codsanaya:

Si aad u codsato shaqadan ku soo dir faahfaahintaada recruitment@snu.edu.so